قبل منبدا بسم الله ال رحمن الراحيم طبعا الكثير مننا الحلم الوحيد انهم يلتحقوا بالكليات التابعه للشرطه او الحربية وطبعا دا شرف لينا كلنا اننا نخدم بلدنا العظيمه مصر ام الدنيا والواحد او الواحدة مش فارق يكون الوضع ايه في البلد ام شيئ يكون او تكون ظابط مخلص وان يكون رجل او بنت شرطي عظيمه تحكي بها البلد عن خدمتها احنا فداكي يا مصر فداكي روحنا وكل نقطه دم تنزل مننا ليكي ولشعبها العظيم وقبل منبدا في الموضوع بتاعنا احب اعرفكوا الي يخدم بلده بيكون راجل طول العمر موت راجل وعيش راجل لفداء وطنك وبلدك العظيمه الشهداء هم اصحاب الجنه ولو الجنه الاولي عند الله طن حماية لوطنك العظيمه وشعباها.
الشروط الاساسية لمعاون الشرطه.
هقول الشروط الاساسية اللي بيتم على اساسها سحب الملف
الطول من 160 لاعلي
الوزن من ( طولك-90 ) اللي هيطلع ده هيكون اقصي وزن مطلوب
السن من 19 ل 25 سنة
سحب الملف بشهادة الإعدادية ( حتي لو حاصلة على مؤهل متوسط او مؤهل عالي )
غير متزوجة ومفيش تقديم لل سبق ليهم الجواز
الاختبارات .
مقاس وقوام ، قدرات ، طبي ، اتزان ، رياضي ، هيئة ، طبي متقدم.
مدة الاختبارات بتستمر لسنة
- مصاريف ومميزات المعهد.
مفيش مصاريف والوزارة متكفلة بيها + ان ليكي مكافأة شهرية طول فترة الدراسة
وبتستفادي بكل المميزات الخاصة برجال الشرطة من تأمين صحي وخدمات اجتماعية
- مدة وطبيعة الدراسة .
مدة الدراسة اكتر من سنة ونص 18 شهر ، متقسمة على 3 مراحل
تدريب اساسي 6 شهور : ودي مرحلة انتقالية من الحياة المدنية للحياة الميري لمدة 3 شهور وهتتعودي والتدريب على استخدام كافة الاسلحة
تدريب عام 6 شهور : وده بيعرفك على كل افرع وقطاعات الداخلية وبتدرسي كل حاجة فيها وكمان بتدرسي الدراسات القانونية والإجراءات الجنائية
تدريب تخصصي 6 شهور : وده هتدربي في تخصص واحد واللي هيكون شغلك فيه بعد التخرج زي مثلا " الجمارك ، المرور ، المطار ، امن مركزي ، الموانئ ، الامن الوطني ، الحماية المدنية.
هوضح نقطة في التدريب التخصصي المعهد بيقيم الطالب ف خلال السنة وعلى اساسه بيصنفه ويخصصه في القطاع المناسب.
- اللبس والرتب .
اللبس زي اي لبس ميري بتاع اي شخص في هيئة الشرطة الفرق بس في الرتب واللي هي
معاون شرطة ثالث.
معاون شرطه ثاني.
معاون شرطه اول.
معاون شرطه ممتاز.
معاون شرطه ممتاز ثاني.
معاون شرطه ممتاز اول.
طيب الشغل هيكون ازاي.
هتشتغلي في القطاع اللي اتخصصتي فيه لمدة سنة تحت الاختبار تحسباً لأي انحراف في السلوك نتيجة التعامل الميداني والتعامل مع المواطنين ولو حصل حاجة بتترفدي.
-الاجازات والمرتبات.
كل جهاز بيختلف عن التاني من حيث الاجازات والمرتبات ده غير الحوافز والمكافات.
موعد التقديم.
الاعلان مالوش ميعاد محدد ولا التقديم ليه ميعاد محدد يفتح فيه ، بينزل ف اي وقت ف السنة.
حاليا مفيش تقديم.
طيب عادي اكون بدرس في كلية واقدم.
هو عادي تقدمي وتوقفي الكلية بس الافضل خلصي كلية الاول وقدمي عشان تكوني متفرغة للمعهد واختبارات المعهد والدراسة والشغل فيه صعب بعد التخرج ممكن توفقي بين شغلك وبين دراستك اللي هتكمليها.
-هو انا ينفع بعد ما اتخرج من المعهد ، اقدم متخصصين ؟
لا ممنوع وملكيش الحق انك تقدمي لان شروط المتخصصين مش متطابقة عليكي وكمان من شروط المعهد ان مفيش ترقيات ولا انتقالات لحاجة اعلى.
الورق المطلوب.
الورق المطلوب ( قيد للاب اساسي وللجدين احتياطي لأنه ممكن يطلب ، فيش وتشبيه للطالب ، شهادة الاعداديه اصل ، شهادة الميلاد دول اهم ورق ولو في ورق زيادة هيعرفوكي وقت سحب الملف ).
تعليقات
إرسال تعليق